ومتلخبط

مابين ماضي وبين حاضر

ومتحاصر
مابين عقلي وبين قلبي
ومين خايب ومين شاطر
وبرسم بسمتي للناس
بلا إحساس
ومتعذب علي الآخر
لأمته هكون مابين البين
ومش راسي في يوم علي بر
لا أنا مرتاح وانا بينكم
ولا مرتاح وانا مسافر
حزين والحزن غلبته
زهق مني وقال عني
بإني صعب ( أتعاشر )
طب أعمل أيه
وأنا والفرح بندور
سنين علي بعض
لا يعرف لغتي ولا شكلي
ولا حتي مكان سكني
وقلت أبعد وأتاخر
لقيت قلبك بيندهلي
نسيت روحي
نسيت أهلي
لكني عرفت مستاخر
وأخاف يطلع
غرام أوهام
وعشق من طرف واحد
وأتاخد
لسكة ماليها
لا أول ولا آخر
……
#من_ديوان_حبة_كلام.